Daw Lwin Lwin Kyaw @ Juno

MPA, B.DevS, Dip in Computer Studies, Dip in HRM

ပံ့ပိုးပေးနိုင်သည့်နယ်ပယ်များ -   လူ့စွမ်းအားအရင်းအမြစ်ရေးရာအကြံပေးခြင်း| သင်တန်းပို့ချခြင်း 

ဆရာမ ဒေါ်လွင်လွင်ကျော် @ Juno သည် လူ့စွမ်းအားအရင်းအမြစ်ရေးရာနယ်ပယ်တွင် (၁၇) နှစ်ကျော်အတွေ့အကြုံရှိပြီး ၎င်း၏ မဟာဗျူဟာမြောက်လူ့စွမ်းအားအရင်းအမြစ်ရေးရာကျွမ်းကျင်မှုများကို အဖွဲ့အစည်းများသို့ စိတ်ခွန်အားတက်ကြွစွာဖြင့် ပံ့ပိုးပေးခြင်း၊ လူမှုအသိုက်အဝန်းများသို့ မေတ္တာဖြင့် ပံ့ပိုးကူညီဆောင်ရွက်ခြင်းများအပါအဝင် အဓိပ္ပာယ်ပြည့်ဝသော လှုပ်ရှားမှုများဖြင့် လူ့စွမ်းအားအရင်းအမြစ်ဆိုင်ရာအခန်းကဏ္ဍများတွင် မျှဝေပံ့ပိုးနေသူဖြစ်ပါသည်။ 

ဆရာမသည် ၂၀၀၈ ခုနှစ်မှစတင်၍ ပြည်သူ့ရေးရာစီမံခန့်ခွဲမှုပညာမဟာဘွဲ့  (MPA) ကိုလေ့လာနေစဉ်အတွင်း လူ့စွမ်းအားအရင်းအမြစ်ရေးရာစီမံခန့်ခွဲမှု၊ လိုက်နာဆောင်ရွက်မှု၊ သင်ကြားသင်ယူမှုဆိုင်ရာများကို နက်ရှိုင်းစွာအထူးပြုလေ့လာခဲ့သူဖြစ်ပါသည်။ ဆရာမသည် လက်ရှိတွင် HR Director ရာထူးဖြင့် Mudra Mya Co., Ltd. တွင်တာဝန်ထမ်းဆောင်လျက်ရှိပြီး Young HR Community Myanmar ၏ HR Consultant နှင့် Training Host အဖြစ်လည်း ဆောင်ရွက်နေသူဖြစ်ပါသည်။ 

ဆရာမသည် လူ့စွမ်းအားရင်းမြစ်ရေးရာဌာနများ ဖွဲ့စည်းခြင်းနှင့် ပြန်လည်တည်ဆောက်ခြင်း၊ မူဝါဒများရေးဆွဲခြင်းနှင့် ထိရောက်မှုရှိသည့် ကော်ပိုရိတ်သင်တန်းများပို့ချခြင်းတို့တွင် အထူးကျွမ်းကျင်သူဖြစ်ပါသည်။ ထို့အပြင် ဆရာမသည် ၎င်း၏ကျွမ်းကျင်မှုများနှင့် အရည်အချင်းများကို အသုံးချလျက် အဖွဲ့အစည်းများ၊ အသင်းအဖွဲ့များသို့ စွမ်းဆောင်ရည်မြှင့်တင်ခြင်းဆိုင်ရာများ ပံ့ပိုးခြင်း၊ အပြုသဘောဆောင်သော လုပ်ငန်းခွင်ယဉ်ကျေးမှုများကို တည်ဆောက်ခြင်းနှင့် အကောင်းဆုံးသော လူ့စွမ်းအားအရင်းအမြစ်ရေးရာအလေ့အထများကို ဆောင်ရွက်ခြင်းများမှတစ်ဆင့် လူမှုအသိုက်အဝန်းဖွံ့ဖြိုးတိုးတက်မှုကို ဦးတည်သည့် လှုပ်ရှားမှုတွင် တက်ကြွစွာ ပါဝင်ဆောင်ရွက်နေသူတစ်ဦးဖြစ်ပါသည်။ 

HR Consultant| Training Host| Career Development Coaching| Leadership Development| Team Building